Catro novos achádegos de petróglifos en Sober

Pena do Lagarto.

En Sober, a xente do Colado do Vento temos aínda por publicar unha ducia de penedas con petróglifos que non foran aínda catalogadas. A maioría, como os tres puntos que vos presentamos hoxe, foron atopadas por Óscar Alonso, de Veliños, mentras ía de paseo polo monte na procura dos prezados cogumelos.

No todoterreo para chegar ás pedras.

Trátase, no caso que vos amosamos nesta crónica, de catro penedas do entorno das parroquias de Santiorxo, Pinol e Lobios, todas elas con motivos fundamentalmente de coviñas, atopadas polo Óscar de Veliños neste ano 2015.

– Petróglifos da Pena do Lagarto, Santiorxo

Trátase dunha gran laxa granítica duns 10 metros de lonxitude na que atopamos múltiples coviñas e sucos na cara descuberta da pedra, que dá ao suroeste.
Están no camiño entre Viñariño e Paradela, perto de Pinol de Abaixo, na parroquia de Santiorxo.

Vídeo, onde se pode apreciar a amplitude do panel: aquí.

Mapa da zona (está indicado o topónimo “Lagarto”).

 
– Pena con petróglifos na zona de Casardecima, Pinol.
Con máis de 50 motivos, esta pena parece que foi cortada. Está tapada parcialmente por pedras e maleza.

Pódese apreciar no vídeo: aquí.

Mapa da zona dos petróglifos de Casar de Cima e dos do monte de Lobios.

 – Penas con petróglifos no monte de Lobios, por riba da Ola de Lobios.

Trátase de dúas penedas moi próximas, con motivos de coviñas e sucos.

Vistas dende o monte de Lobios.
Vistas dende o Monte de Lobios.

Deixa unha resposta

O teu enderezo electrónico non se publicará Os campos obrigatorios están marcados con *


*